മദീനയില് അപകടം: ഇന്ത്യക്കാരുള്പ്പെടെ 19 പേര് മരിച്ചു
ജിദ്ദ: വ്യാഴാഴ്ച രാത്രി മദീനക്ക് സമീപമുണ്ടായ വാഹനാപകടത്തില് ഇന്ത്യന് പൗരന്മാരുള്പ്പെടെ 19 പേര് മരിച്ചു. മദീനയില് നിന്നു 200 കിലോമീറ്റര് അകലെ ദആ റോഡിലാണ് അപകടമുണ്ടായത്. മരിച്ചവരെല്ലാം വിദേശ തൊഴിലാളികളാണ്. ജോലി സ്ഥലത്തുനിന്ന് താമസ സ്ഥലത്തേയ്ക്ക് മടങ്ങുകയായിരുന്ന 44 പേര് സഞ്ചരിച്ച ബസ് എതിരേ വന്ന ട്രക്കുമായി കൂട്ടിയിടിക്കുകയായിരുന്നു. സംഭവ സ്ഥലത്തുതന്നെ 13 പേര് മരിച്ചു. ബാക്കിയുള്ളവര് ആശുപത്രിയിലാണ് മരണമടഞ്ഞത്. ഇന്ത്യയെക്കൂടാതെ ബംഗ്ലാദേശ്, ഈജിപ്ത്, പാകിസ്താന് എന്നിവിടങ്ങളില് നിന്നുള്ളവരാണ് ബസിലുണ്ടായിരുന്നത്. ജല മന്ത്രാലയത്തിന്റെ നിര്മാണ പ്രവര്ത്തനങ്ങളില് ഏര്പ്പെട്ട സ്വകാര്യ കമ്പനി തൊഴിലാളികളാണ് ഇവര്. പരിക്കേറ്റവരെ കിങ് ഫഹദ് ആശുപത്രി, മീഖാത്ത് ആശുപത്രി, സൗദി ജര്മന് ആശുപത്രി എന്നിവിടങ്ങളില് പ്രവേശിപ്പിച്ചു.
No comments:
Post a Comment